اداسی ‏ترک ‏کر ‏دو ‏اب ‏از ‏منان ‏قدیر ‏منان

اداسی ترک کر دو اب

اداسی ترک کر دو اب
یونہی بےکار مت بیٹھو
کسی کے ہجر میں جاناں
نہ خود کو اتنا تڑپاؤ
اداسی ایک شعلہ ہے
گھروں کو جو جلاتا ہے
یہ دل بھی اک گھروندا ہے
اگر جل جائے
تو باقی نہیں رہتا ہے پھر کچھ بھی
مری مانو
وہ سارے خط جو اس نے تم کو لکھے تھے
جلا ڈالو
تمہیں جس نے بھلا ڈالا
اسے تم بھی بھلا ڈالو!!

(منان قدیر منان)

Comments

Post a Comment

Popular posts from this blog

The Romantic Poet

The Romantic Poet What does the Romantic Poet, of popular myth, look like? He is a surreal hybrid, ardently clutching a Greek pot in one hand whilst dangling a daffodil from the other. He chatters a lot, but __ since his favourite topics include the ugliness of the modern world, the beauty of solitude and, above all, the majesty of his own soul __ he is often talking to himself. Being a naïve optimist he grins; but hypersensitivity makes him volatile and he may suddenly burst into tears, or even faint. Yet, should a thunderstorm be imminent, he will instantly put to sea in a frail boat or go prancing up the nearest mountain. Whichever of these routes to intensity he takes, he will still be distracted by dreams of lovelier places and better times. Therefore he may well stumble, while touchingly young, into an early grave. (David B. Pirie)
Read more

نظم جاری ہوئی

نظم جاری ہوئی سنگ باری ہوئی نظم جاری ہوئی نظم! جس کا ہر اک لفظ دلگیر تھا (مصرعۂ میر تھا) نظم! جس کا ہر اک بند مزدور تھا (جذبِ منصور تھا) نظم جاری ہوئی تخت و منبر پہ بیٹھے ہوؤں کے کلیجوں پہ جیسے چھری چل گئی! شور اٹھا کہ روکو اِسے  اِس سے پہلے کہ مظلومیانِ جُنوں کے لہو میں نہائی ہوئی نظم آگے بڑھے کاٹ ڈالو اِسے اس کے جوشیلے مصرعوں کے سینوں پہ فتووں کے پتھر دھرو یوں بھی یہ نظم ہے اور "مؤنّث" ہی ہے  پیس ڈالو اِسے! شاعری کفر ہے سوچنا جرم ہے اس سے پہلے کہ یہ "سوچ" آگے بڑھے ختم کر دو اِسے اور یہ سب کچھ ہُوا  کتنی نوخیز نظموں کی عصمت لُٹی تازیانے لگے کارو کاری ہوئی سنگ باری ہوئی نظم جاری ہوئی ہر نئے ظلم سے اور ہر مرتبہ نظم جاری ہوئی جراتوں کا یہ دورانیہ چل پڑا ہے، سو اب رکنے والا نہیں  سرخ پھولوں کی مہکار وہ دھار ہے جس کی زد سے کوئی جبر ہو، قہر ہو بچنے والا نہیں!! ‏(علی زریون)
Read more

میں ‏نے ‏اکثر ‏یہ ‏سوچا ‏یے ‏از ‏یوسف ‏خالد

میں نے اکثر یہ سوچا ہے چاہت کیا ہے کتنا چاہا جا سکتا ہے کیسے اک احساس کو ماپا جا سکتا ہے چاہت کے اعماق میں پنہاں بےچہرہ احساس کی کوئی کھوج لگائی جا سکتی ہے کیا کوئی معیار مقرر ہو سکتا ہے؟ اک آواز نے میری سوچ پہ دستک دے کر مجھے سے پوچھا کیا یہ سانسیں جن کی بابت زندہ ہو تم کیا یہ سانسیں گن سکتے ہو؟ کیا آنکھوں میں پلنے والے سارے دکھ پہچانتے ہو؟ کیا آنکھوں کے اندر جا کر آنکھ سے باہر آنے والے اشکوں کی تصویریں ڈھونڈ کے لا سکتے ہو؟ کیا تم ایسا کر سکتے ہو؟ کیا تم کو معلوم ہے آنکھیں خواب کہاں سے لے آتی ہیں؟ کیا تم سارے خواب سنبھال کے رکھ سکتے ہو؟ کیا تم رات کی رانی کی خوشبو کا پیچھا کر سکتے ہو؟ کیا تم ہاتھ نہ آنے والے سارے رنگوں ساری خوشبوؤں سے اپنا ناطہ توڑ کے پھر بھی زندہ رہ سکتے ہو؟ کیا تم جو بھی کرنا چاہو کر سکتے ہو؟ جب تم کچھ بھی کر نہیں سکتے پھر بےکار سی سوچیں لے کر کیوں بیٹھے ہو؟ پیار کرو!! (یوسف خالد)
Read more